පණ නැති විපක්ෂයේ හුන් පණ ඇති මිනිසාගේ නික්ම යාම

දයාසිරි තීරණය ගන්න ඇත්තේ අනිවාර්යෙන්ම තමන්ගේ දේශපාලන ගමන, දේශපාලන අනාගතය ගැන හිතලා. බලයට එන්නේ නැති විපක්ෂයක තව දුරටත් කාලය නාස්ති කරනවාද කියන ගැටළුව තමයි ඔහුට විසඳා ගන්න තිබුනේ.මේ ඔහුගේ ජනතා ප්‍රසාදයේ හොඳම කාලය. එයින් ප්‍රයෝජනය අරගෙන, වැඩක් කරලා නමක් තියන්න වයඹ මහ ඇමතිකම හොඳ තැනක්.ඒ නිසා ඔහු ගත්ත තීරණය ගැන දොසක් කියන්න බැහැ.


 නමුත් රට ගැන හිතලා මේ සිදුවීම ගැන බැලුවොත් මේ තීරණය වැරදි එකක්. වයඹ මහ ඇමතිකම හරියට කරන්න පුළුවන් අය ( දයාසිරිටත් වඩා ) ඕනෑ තරම් ඉන්නවා. අතුල නිමලසිරි ජයසිංහලා වයඹට වැඩක් කළ, වැඩක් කරන දක්ෂ මිනිස්සු; මාධ්‍ය මඟින් පිම්බුණු චරිත නොවුණාට.ඒ අයට සින්දු කියන්න බැරිද? ලස්සන නැද්ද? කියන එක වෙනම කථාවක් :) .

දයාසිරි මහ ඇමති වුනා කියලා වයඹ ජනතාවට අමුතු කෙංගෙඩියක් ලැබෙන්නේ නැහැ. ඔහු මේක දක්ෂ විදිහට කළොත් ඔහුට ලකුණු ලැබෙනවා හැරෙන්න. මේක වැටිච්ච තැනක් නෙමේ දයාසිරි ඇවිල්ලා ගොඩ දාන්න.

නමුත් අද මිනිස්සු නැත්තේ කාටද? විපක්ෂයට. මේ ආණ්ඩුවට අභියෝගයක් එල්ල කරන්න, විවේචනය කරන්න, කරුණු සහිතව හොරකම්, දූෂණ හෙළි කරන්න , කොන්දක් තියෙන, කට තියෙන, දක්ෂ , පණ ඇති මිනිසුන්ගේ අඩුවක් තියෙන කාලයක් මේක.යම් මට්ටමකට දයාසිරි ඒ කාර්යභාර්ය ඉෂ්ට කරමින් හිටියා. එයට තව තවත් එකතු වෙනවා වෙනුවට හිටපු මිනිහත් ගියාම??

ලලිත් ඇතුලත්මුදලි මහපොළ අරඹමින් කළ හැඟීම්බර කථාව....

      
http://www.star-clicks.com/?ref=50485357
                              
ලලිත් ඇතුලත්මුදලි කියන්නේ මේ රටේ හිටපු ප්‍රබල දේශපාලන නායකයෙක්. ඕනෑම දේශපාලඥයෙකුට වාගේම ලලිත් කෙරෙහිත් දේශපාලන විවේචන තිබෙනවා උනත්, සාපේක්ෂව ගත්තාම ඔහු සැබැවින්ම උගත්, බුද්ධිමත්, දක්ෂ, විශිෂ්ට නායකයෙක් කියන එක බොහෝ දෙනා පිළිගන්නා කාරණයක්.

ලලිත්ගේ නම බැබළෙන්නේ "මහපොළ" නිසා. සැබෑ උගතෙකු වුණු, උගත්කමේ වටිනාකම හඳුනාගත් දේශපාලන නායකයෙකු ලෙස ලලිත් රටට උගතුන් බිහිකිරීමේ ක්‍රියාවලියට විශිෂ්ට මෙහෙවරක් කරමින් මහපොළ ශිෂ්‍යත්වය ආරම්භ කළා.

ඔහු එංගලන්තයේ ඔක්ස්ෆර්ඩ් විශ්ව විද්‍යාලයේ අධ්‍යාපනය ලබමින් විශිෂ්ට දස්කම් දක්වමින් සිටි කාලයේ හදිසියේ පියා අභාවප්‍රාප්ත වීම නිසා, අධ්‍යාපනය අතරමඟ නතරවීමේ අවදානමක් උදා වුණා. ඔහුගේ විශිෂ්ටත්වය දැන සිටි, ඇතුලත්මුදලි පවුලේ හිතවතෙකුද වූ එස්.ඩබ්.ආර්.ඩී.බණ්ඩාරනායක අගමැතිතුමා ඔහුට ශිෂ්‍යත්වයක් ලබාදී, විශිෂ්ට ගමනකට උරුමකම් කියන මේ තරුණයාගේ ගමන අතරමඟ නතරවීමේ අවදානම දුරුකර ලන්නට සිය සහයෝගය ලබාදුන්නා.තමන් ලද ඒ සහායට රටට, ජනතාවට කළගුණ සැළකීම"මහපොළ" ආරම්භයට ලලිත් පෙළඹ වූ සිතුවිල්ලක්.

81 ඔක්තෝබර් 6 වෙනිදා මහපොළ උසස් අධ්‍යාපන ශිෂ්‍යත්ව භාරකාර අරමුදල-පනත් කෙටුම්පත පාර්ලිමේන්තුවට ඉදිරිපත් කරමින් ලලිත් කළ කථාව ඔහුගේ විශිෂ්ටත්වය පිළිබඳව මනා සාධකයක්.

"1958 දී ඇතැම් කරුණු නිසා මගේ අධ්‍යාපනය ගෙන යන්නට මට මුදල් අවශ්‍ය වුණා. ඒ අවස්ථාවේ අගමැති වශයෙන් සිටියේ දිවංගත එස්.ඩබ්.ආර්.ඩී.බණ්ඩාරණායක මැතිතුමායි.අධ්‍යාපන ඇමති වශයෙන් එදා සිටියේ ආචාර්ය ඩබ්ලිව්. දහනායක මැතිතුමායි. ඒ අවස්ථාවේ නව ශිෂ්‍යත්වයක් වන "රෝඩ්ස්" ශිෂ්‍යත්වය සඳහා තරඟ කරන්නට අවස්ථාව දෙන ලෙස මම ඉල්ලා සිටියා.
  
  නමුත් එදා අගමැතිව සිටි දිවංගත ගරු බණ්ඩාරනායක මැතිතුමා මට කෙළින්ම කිව්වා තමුන්නාන්සේට "රෝඩ්ස්" ශිෂ්‍යත්වය ලබා ගන්නට ඉඩ දෙන්නේ නැහැ කියා. එතුමා සාධාරණ හේතුවක් උඩයි මට එහෙම කළේ. එතුමා මට කිව්වා තමුන්නාන්සේ මේක ඉල්ලුවොත් තමුන්නාන්සේට මේක ලැබෙයි.නමුත් තමුන්නාන්සේ පිටරට ගිහින් යම් යම් අත්දැකීම් ලබාගෙන පැමිණි කෙනෙක්. මම තැත් කරන්නේ තවත් කෙනෙකුට පිටරට ගිහින් තමුන්නාන්සේ ලබාගෙන තිබෙන ඒ පළපුරුද්ද, ඒ අත්දැකීම, ඒ අධ්‍යාපනය ලබාගන්නට අවස්ථාව දීමටයි කිව්වා. 

මම එතුමාට ඒ අවස්ථාවේදී කිව්වා, එහෙනම් මට මොකවත් කරන්න බැහැ. මට ඉතින් තවත් අවස්ථාවක් ලැබෙන්නේ නැහැ කියා. එතුමා ඊළඟට මට කිව්වා, මම මේ රටේ අගමැතිතුමා හැටියට සිටින තාක් තමුන්නාන්සේ අධ්‍යාපනයෙන් දැන් පෙන්වා තිබෙන දක්ෂතාව කෙටි කරන්න මම වැඩ කරන්නේ නැත. 
තමුන්නාන්සේගේ උසස් අධ්‍යාපනය සම්පූර්ණ කරන්න තමුන්නාන්සේට ශිෂ්‍යත්වයක් පිරිනමනවාය කියා. 

ගරු නියෝජ්‍ය කථානායකතුමනි, මේ අවස්ථාවේදී මම ප්‍රසිද්ධියේ එතුමාටත්, එතුමාගේ කැබිනට් මණ්ඩලයටත්, හිටපු අධ්‍යාපන ඇමති ආචාර්ය දහනායක මැතිතුමාටත් මගේ අවංක ස්තූතිය පුද කරන්න කැමතියි. ඒ වාගේම මේ පරිත්‍යාගශීලී පනතින් යම් පිනක් අත් වෙනවා නම් එතුමාටත් එතුමා වැනි පුද්ගලයින්ටත් ඒ පින් අත්පත් වේවායි මම ප්‍රාර්ථනා කරනවා.

-----------------------------------------------------

මට ඒ ශිෂ්‍යත්වය දෙන වෙලාවේදී බණ්ඩාරනායක මැතිතුමා මට කළ ප්‍රකාශයක් මම කියන්න ඕනෑ. එතුමා කිව්වා, තමුන්නාන්සේ ආපසු මව් රටට ඇවිත් තමුන්නාන්සේට පුළුවන් සේවයක් රටට කරන්නය කියා.එපමණයි, එතුමා මගෙන් ඉල්ලුවේ. මගේ පක්ෂයට බැඳෙන්නය, මගේ පවුලට වැඩ කරන්නය, මගේ කණ්ඩායමට උදවු කරන්නය කියන විදියේ පටු හැඟීම්වලින් තොරවයි එදා බණ්ඩාරනායක මැතිතුමා මට උපදෙස් දුන්නේ. 

මම මේ අවස්ථාවේදී එක කාරණයක් කියන්නම්, බණ්ඩාරනායක අගමැතිතුමා මට කිව්වා වගේ මේ මහපොළ ශිෂ්‍යත්වලාභීන් සෑම කෙනෙකුගෙන්ම මම ඉල්ලා සිටින්නේ, මේ උසස් අධ්‍යාපනය ලබාගෙන ඇවිත් එක්සත් ජාතික පක්ෂයට බැඳෙන්න කියා නොවෙයි. කරුණාකර කුමන ආකාරයකින් හෝ මේ රටට සේවයක් කරන්න කියායි.ඒකයි මෙහි පරමාර්ථය.ඒකයි මෙහි ක්‍රමය.

   සම්පූර්ණයෙන්ම පටු අදහස්වලින් තොරව මේ ශිෂ්‍යත්වලාභීන්ට පණිවුඩයක් දෙනවානම් ඒ පණිවුඩය මේකයි. "මේ සමාජයෙන් තමුන්නාන්සේලාට ලබාදෙන්න පුළුවන් දේ දී තිබෙනවා; තමුන්නාන්සේලා උසස් අධ්‍යාපනය ලබාගෙන ඇවිත් කරුණාකර තමුන්නාන්සේලාගෙන් සමාජයට ඉටුවිය යුතු සේවය ඉෂ්ට කරන්න" කියන එකයි.

උසස් අධ්‍යාපනයට එන අය හුඟාක් උසස් අය. සාමාන්‍ය පුද්ගලයන් නොවෙයි. අධ්‍යාපනයෙන් උසස්; ඤානවන්තකමින් උසස්; ඒ අය මේ රට අලංකාර කරන්න පුළුවන් අයයි. මේ රට ශ්‍රේෂ්ඨ රටක් කරන්න පුළුවන් අයයි. මට මේ අවස්ථාවේදී මතක් වෙනවා, දිවංගත ඇමෙරිකන් ජනාධිපති කෙනඩි මහතා කළ ප්‍රකාශයක්. එතුමා ශිෂ්‍යත්වලාභීන්ට අවවාද කරමින් කී දේ මට උපුටා දක්වන්න පුළුවන් නම් මෙන්න මේ අදහසයි එහි ඇත්තේ. "අද පටන් ශිෂ්‍යත්වලාභීන් කල්පනා කළ යුත්තේ රටින් තමන්ට ගන්න පුළුවන් ප්‍රයෝජනය ගැන නොව, තමන්ගේ රටට දෙන්න පුළුවන් සේවය ගැනයි.එය ඉංග්‍රීසියෙන් කියනවා නම් මෙහෙමයි:

From now on you must ask not what your country can do for you but what you can do for your country"




අද මහපොළ ලබන්නන්, මේ වචනවල සැබෑ වටිනාකම හඳුනා ගන්නේ නම්...

[කථාව උපුටා ගැනීම - " නොනිමි මෙහෙවර"- ලලිත් ඇතුලත්මුදලි චරිතාපදානය - රංජිත් අමරකීර්ති පළිහපිටිය] 


http://www.star-clicks.com/?ref=50485357

ඉතිහාසයේ තීරණාත්මක මොහොතක විජේවීර විසින් ජේ.ආර් ට යවන ලද ලිපිය...

http://www.star-clicks.com/?ref=50485357


 1983 ජූලි 31 වෙනිදා ජනාධිපති ජේ.ආර්.ජයවර්ධන විසින් ජනතා විමුක්ති පෙරමුණ තහනම් කළා.
                  87-89 භීෂණ යුගයට අතිගරු ජනාධිපතිතුමාගේ සුරතින් මුල් ගල තිබ්බේ එදා කියලත් කෙනෙකුට කියන්න පුළුවන්.

         දේශපාලනය අත හරින්න; එහෙම නැත්නම් සැඟවුණු දේශපාලනයක නියැලෙන්න විජේවීරට බල කෙරුණේ එතනදී.විජේවීර වගේ මිනිහෙක්, ඒ වගේ වෙලාවක දේශපාලනය අත හරිනවා කියන්නේ නොවිය හැකි දෙයක්. ඒ අර්ථයෙන් රහසිගත දේශපාලනයක නියැලෙන්නට JVP යට බල කෙරුණු අතර එහි අවසානය 87-89 මහා ඛේදවාචයකින් සටහන් වුනා.
                                                         නමුත් මේ තහනම ඉවත් කරවාගෙන ප්‍රජාතන්ත්‍රවාදී දේශපාලනයේ යෙදීමට තව දුරටත් ඉඩකඩ සලසා ගනු වස්, අවසන් උත්සාහයක් ද විජේවීර විසින් ගනු ලැබුවා.
                                             ඒ ජනාධිපති JR ට ලිපියක් ලියමින් සාධාරණත්වයේ නාමයෙන් JVP තහනම ඉවත් කරන ලෙස ඉල්ලා සිටීම.නමුත් "සාධාරණත්වයේ නාමයෙන්" කියන එක  JR ගේ ශබ්ද කෝෂයේ තිබුණ දෙයක් නෙමෙයි.
                                                     විජේවීර විසින් JR ට යවන ලද ලිපිය මෙහි උපුටා දක්වන්නේ, දේශපාලන ඉතිහාසය විග්‍රහ කිරීමේදී මෙවන් සාධක නොතකා හැරීම සිදුවන නිසා. යම් කෙනෙකුට මෙවන් තොරතුරුවල මඟ හැරීමක් තියෙන්න පුළුවන්.

-----------------------------------------------------
                                                                    Rohana Wijeweera                                                                                                                                                      
                                                                    Sri Lanka                                                                           
                                                                    8th October, 1983
His Excellency the President
of the Democratic Socialist
Republic of Sri Lanka
Presidential Palace
Colombo 1

1.  On the Proscription of the principal political party of the Left in Sri Lanka under the emergency regulations by His excellency the President

2.  On the arbitrary arrests and detention of cadres, members and sympathizers of the JVP and others

3.  On the order under the emergency regulations to arrest and detain Rohana Wijeweera the Chairman of the JVP, Upatissa Gamanayake, a member of the Politbureau of the JVP and Somawansa Amarasinghe, a prominent member of the JVP

4.  On the attempts of some police and military officers and the order said to have been received by them to kill Rohana Wijeweera the Chairman of the JVP

5.  On the false allegations, political slanders fabrications and falsifications against the JVP

His excellency the President !

1. I, Rohana Wijeweera the Chairman of the JVP - the pricipal political party of the Left in Sri Lanka and presidential candidate of the JVP at the Presidential election of the October 1982 honestly request to draw His excellency the President his due attention to the following in the name of democrazy, human rights, natural justice, fairplay and truth.

2. The JVP  is a democratic political party. It has a radical political program based on scientific socialism.It wants to replace the present capitalist mode of production and distribution and the socio-economic formation based on it by a selective mode of production and a socio-economic formation only with the consent of majority of the people of the Republic of Sri Lanka.The JVP has no intention whatsoever to go against the wish of the majority of the people. Unless and until the majority of the people voluntarily accept the socialist program of the JVP it will remain in the democratic opposition. It has no intention, no desire, no plan, no capability to overthrow any government elected to the office by the majority of the people, by the force of the minority of the people.The JVP is not conspiratorial organization. It does not propagate violence. During the past six years of His excellency the President's government was in office, it has participated in almost all elections. In 1981 DDC elections it won even 15 seats at six districts by its own. In the year 1982 the JVP Central Committee in a public policy declaration and the politbureau in a public policy statement stated categorically their commitment to the democratic process, democratic institutions and democratic way of life and general elections.

3.The JVP is totally opposed to any brand of communalism whether it is Sinhala or Tamil. It considers communal violence a greater disorder to the national and social progress. Therefore it fights against any communal violence without any hesitation or slightest vacillation. The JVP stands firmly for equal rights for every citizen and every nationality of the republic. It is vehemently against the division of the country on ethnic lines because it is not a solution to the national problem. As a party based on a scientific socialist program it stands for a democratically centralized state,i.e. a unitary state in which every citizen enjoys equal rights irrespective of their nationality or any other differences.

4. The JVP played no role whatsoever in the ugly events of July which it condemns vehemently. The unalianable fact that the JVP is no partyto the unfortunate communal violence of the July 1983 is proved with no doubt by the findings of the investigations carried out by the CID.

5. The JVP did not demand a separate state, the JVP did not agitate for the division of the country, the JVP did not incite violence, the JVP did not buy estates outside the boundaries of the republic to train armies to fight the government, the JVP leaders and members did not fine self imposed exile outside the boundaries of the republic. But the JVP is proscribed under the emergency regulations, its leaders are either in detention or been relentlessly hunted. I, the chairman of the JVP did not emigrate to a neighbouring country illegally.Therefore illegal orders have been issued secretely to kill me according to the subinspectors and inspectors Mr.Ranjith Maligaspe, Mr.Mathurata, Mr.Karunadasa, etc., others. 

Innocent people are detained persecuted, haunted and forced to struggle for their lives.Their wives and children, dear and near ones, are forced to suffer untold hardships.But people who committed all these are  neither proscribed nor been arrested but been invited for discussions, round table conferences etc. Representatives of the government are busy flying foreign countries to meet them. Foreign governments and dignitaries are used as mediators to negotiate with them.With all the sincerity I would like to know whether this is the state of affairs going to prevail in the country.

6. Continuous proscription of the JVP and continuous detention of the leaders, members and sympathizers of the JVP and the hunt for me and comrade Upatissa Gamanayake and the illegal order said to have been given to some officials of the security forces either by the government or by someone else to kill me goes counter to the interest of the nation. It is believed that all these steps have been taken because of the misinformation supplied to the government by the ISD on the JVP. I categorically, vehemently and totally reject the allegations and slanders leveled against the JVP that
                1. The JVP participated in the July communal violence.
                2. The JVP incited certain sections of the armed forces against the government.
                3. The JVP took part in rumour mongering.
                4. The JVP conspired to overthrow the government.
                5. The JVP is for the division of the State.
                6. The JVP has connections with the terrorist movements in the North and the East.
                7. The JVP changed its policy after the presidential elections of 1982.

All these are hopeless slanders, imaginations, fabrications and falsifications of certain officers who have no respect for human lives and values, who have no dignity and integrity. I hope His excellency the President would not find it difficult to agree with me if I say experienced and mature politicians should not allow themselves to be fooled and misled by such intelligence officials, because if it happens, its consequences for the nation are very grave.

                     To conclude I must say emphatically that the JVP has no secret foreign connections. It never received any financial or other assistance or aid from any foreign party. To avoid this grate national catastrophe, to normalize the public life of the country and to ensure the continuation of the democratic process of the Republic. I hereby request His excellency the President of the Republic at this critical hour of the nation to take necessary actions immediately to lift the ban on the JVP, to release all the political detainees, to withdraw the order to arrest and detain me and other JVP leaders and withdraw if there is any illegal secret order to kill me either by the government or by a certain section of the government.

    This is the only way to national conciliation and harmony. This is the only way to development and progress.This is the only way to democracy and justice.

Thank you
Yours truly

Rohana Wijewera
The Chairman of the JVP

---------------------------


ලිපිය උපුටා ගත්තේ රොහාන් ගුණරත්නගේ SRI LANKA A Lost Revolution කෘතියෙන්.(පිටු 193, 194)

නමුත් JR මේ ඉල්ලීම නොතකා හැරියා.

එහි ප්‍රතිඵලය අද අපි හැමෝම දන්නවා.

එදා දූරදර්ශී සහ ප්‍රායෝගික තීරණයක් ගන්නට JR ට හැකියාව ලැබුණිනම් මහා ඛේදවාචකයක් වළක්වා ගන්නට තිබුණා.


රටක නායකයෙක් කොතරම් දූරදර්ශී, බුද්ධිමත්, ප්‍රායෝගික හා පරිණත විය යුතුද? එය එසේ නොවන විට රටකට ජාතියකට කොතරම් විශාල වන්දි ගෙවන්නට සිදුවේද?


මෙය එක් උදාහරණයක් පමණයි....!!

http://www.star-clicks.com/?ref=50485357

අපි විජය මැරුවේ ඇයි?...ලයනල් රණසිංහගේ පාපෝච්චාරණය...!

http://www.star-clicks.com/?ref=50485357

කලින් ලිපිය මා ලිව්වේ විජය කුමාරතුංගයන්ගේ ගීත ගැන. විශේෂයෙන්ම ඔහුගේ "වේදනා" නම් වූ සුවිශේෂි කැසට් පටය ගැන. මේ ගැන රාජ්ගේ නවාතැන ලියන රාජ් සහෝදරයාත් ලිපියක් ලියා තිබුනා මගේ ලිපිය ගැනත් සඳහන් කරමින්. ඒ වෙනුවෙන් රාජ් ට මගේ ස්තූතිය.

විජය කුමාරතුංග කියන්නේ සුවිශේෂි චරිතයක්. නළුවෙක්, ගායකයෙක්, දේශපාලඥයෙක් විතරක් නෙමෙයි සැබෑ මිනිස්කම්වලින් පිරි සුන්දර මිනිසෙක් ලෙසත්. ඒ මිනිස්කම හුදු මාධ්‍ය ප්‍රතිරූපයක් නොවෙන බව පැහැදිලි වෙනවා; අපේ රටේ සිටින විශිෂ්ටතම කලාකරුවන් ඔහුගේ මරණයෙන් කම්පිතව ඔහු ගැන ගීත පවා නිර්මාණය කර තිබීමෙන්.

අමරදේව විජය ගැන ගැයූ ගීතය..

මධුර ගායන- චතුර රංගන

නිසඟ පිළිවන්- වාසනා යුත්

විජය සබඳිනි- ගයමි ගුණ ගී

ඔබේ මනු ගුණ- බැතින් සමරමි...

එඩ්වඩ් ජයකොඩි ගායනා කරන "මිතුරේ" ගීතය ලියවී ඇත්තේද විජය වෙනුවෙන්.

මෙවන් අවංක, නිරායාස ගෞරවයක් දිනාගත් අයෙක් ලංකාවේ තවත් සිටියේද?

---------------------------------------------------------------

ඔහුගේ මරණය 80 දශකයේ අග භාගයේ ලාංකේය සමාජය හෙල්ලුම් කැවූ ඝාතනයක්. නාරාහේන්පිට, පොල්හේන්ගොඩ ඔහුගේ නිවස ඉදිරිපිටදී ඔහුට වෙඩිතබා ඝාතනය කරන්නේ 88 පෙබරවාරි 16 දා. ඝාතනය සම්බන්ධව අදටත් බොහෝ වාද විවාද/ මති මතාන්තර තියෙනවා.

මේ වෙඩි තැබූ T-56 තුවක්කුව ගාමිණි ලොකුගේ ඇමතිවරයාගේ යැයිද මේ ඝාතනයට ඔහුගේ සම්බන්ධයක් ඇතැයි ද  කියවෙනවා.

මේ සම්බන්ධව රහස් පොලීසිය අත් අඩංගුවට ගත් ලයනල් රණසිංහ හෙවත් ගාමිණී නමැති ජේ.වී.පී. සාමාජිකයා පිටු 141 ක කට උත්තරයක් රහස් පොලීසියට ලබාදී තිබුනා.

මේ එම කට උත්තරයෙන් උපුටා ගත් කොටස්...

""අපි විජය මරා දමන්න සැලසුම් කළේ පිළියන්දල, දම්පේ තියෙන "San Michele" හෝටලයේදී. එදා ඒ හමුවට දේශ විමුක්ති ජනතා ව්‍යාපාරයේ කොලඹ දිස්ත්‍රීක් නායක ජයන්තත් JVP සාමාජිකයන් වන හේරත් සහ අසෝකත් මමත් සහභාගි වුණා. හෝටලයේ එළිමහනේ "cabana"එකක් යට ඉඳගෙන Coca-cola බොමින් අපි විජයගේ මරණය සැලසුම් කළා...."

"ජයන්ත මට සහ හේරත්ට කිව්වා අපට විශේෂ වැඩක් පැවරීමට තියෙනවා කියලා.ඔහු කිව්වා; විජය කුමාරතුංග ඉවත් කිරීමට තියෙනවා කියලා. ඒකට හේතුව විදිහට ජයන්ත කිව්වේ විජය ඉන්දු ලංකා සාම ගිවිසුමටත් පළාත් සභා ක්‍රමයටත් සහාය දැක්වීමයි"

-----------

"අපි නිවස ඉදිරිපිට පාරට වී බලා ඉන්න විට විජය ගෙදරින් එළියට ආවා. ඔහු එළියට ඇවිත් gate එක ලඟ කෙනෙක් එක්ක කථා කරන්න පටන් ගත්තා.ඔහු හිටියේ අපට පිටුපාලා. මමයි, හේරතුයි bike එකට නැංගා. මම bag එක ඇරලා gun එක අතට ගත්තා.

හේරත් bike එක නැවැත්තුවා විජයට යාර 20 ක් විතර දුරින්. විජය හිටගෙන හිටියේ gate එක ලඟ, අපට පිටුපාලා, අර මනුස්සයාට කථා කරමින්. මම විජයට පිටුපසින් වෙඩි දෙකක් තිබ්බා bike එකේම ඉඳගෙන. ඔහු ඇදන් වැටුණා. මම bike එකෙන් බැහැලා ඔහු ලඟටම ගිහින්, ඔහුගේ ඔලුවට වෙඩි පිට වෙඩි ගණනාවක් තිබ්බා.............................................................!!!!

http://www.star-clicks.com/?ref=50485357

විසි වසරකට පසු.....

 වර්ෂය 1992........

එය රණසිංහ ප්‍රේමදාස විසින් මේ රට පාලනය කළ යුගයයි. තමන් "වන් මෑන් ෂෝ" පාලකයෙක් බව ප්‍රසිද්ධියේ පැවසූ ප්‍රේමදාස අනෙකුත් සියළු මැති ඇමැත්තන් නිකමුන් ලෙස තබාගෙන ඒකාධිපති, අත්තනෝමතික සහ මර්දනකාරී පාලනයක් පවත්වාගෙන ගියේය.

ජේවීපී භීෂණය අවසන් වී තිබුනද, රාජ්‍ය භීෂණය නැවතී නොතිබුණි.ආණ්ඩුවට විරුද්ධව කට ඇරීමට පවා මිනිසුන් බියවූහ. නිල නොලත් රාජ්‍ය මැර හමුදාවලින් පැහැර ගැනීමට හෝ ඝාතනයට ලක්වීම විරෝධය පෑම්වලට ලැබෙන ප්‍රතිචාරය විය.
 
රිචඩ් ද සොයිසා වැනි මාධ්‍යවේදීන් පැහැරගෙන ගොස් ඝාතනය කෙරුණි.

ඒ.ජේ. රණසිංහ බඳු ජනපති සුරතලුන් "ජනාධිපතිගේ සෙරෙප්පු සුප් පවා බොන්නෙමි" යි වාචාලකම් දොඩමින් හිතූ හිතූ ලෙසින් පිස්සු නටමින් සිටියෝය.

ඒ අතර ප්‍රේමදාස පුත් සජිත් රාජ්‍ය බලය යොදා ගනිමින් රට පුරා නිධන් හාරන බවට කටකථාද පැතිරෙන්නට වී

රටේ යම් යම් සංවර්ධන වැඩ කටයුතු නොකෙරුණේ යැයි පැවසිය නොහැකි මුත් මිනිසුන් බියපත් කරගෙන පාලනය ගෙනයමින් කරන සංවර්ධනය කෙරෙහි ජනතාවගේ ප්‍රසාදයක් නම් නොවීය.


සාමාන්‍ය ජනතාවට පමණක් නොව විපක්ෂයේ ප්‍රබල තනතුරු හිමිකරගෙන සිටි දේශපාලන නායකයන් කියා ගත්තවුනටද මේ තත්වයට එරෙහි වීමට නිර්භීතකමක් නොතිබුණි. විපක්ෂයේ බල බිඳී තිබුණි. ඔවුන්, ඔවුනොවුන් අතර බල අරගලයේ නිරතව සිටියහ.

 ඒ මොහොතේදී සාමාන්‍ය පාර්ලිමේන්තු මන්ත්‍රීවරයෙක් නොබියව ඉදිරියට පැමිණියේය.සැබෑ නායකයන්ට වැඩ කිරීමට, ප්‍රබල තනතුරු අනවශ්‍ය බැව් ඔහු ඔප්පු කළේය.විපක්ෂයේ සාමාන්‍ය මන්ත්‍රීවරයෙක් වූ බෙලිඅත්ත පාර්ලිමේන්තු මන්ත්‍රී මහින්ද රාජපක්ෂ, ඒකාධිපතිවාදයට හා රාජ්‍ය භීෂණයට එරෙහි ජනතා විරෝධය කුළු ගැන්වීමට  කතරගම පාද යාත්‍රාව සංවිධානය කිරීමට පෙරමුණ ගත්තේය.

1992 මාර්තු 16 දා කොළඹින් ඇරඹි පාද යාත්‍රාව දින 19 ක් ගමන්කර කතරගම ට පැමිණියේය.රාජ්‍ය මර්දනයට විරෝධය පෑම පාද යාත්‍රාවේ ප්‍රධානම සටන් පාඨය විය.

එය ජනතාව පිබිදවීය. බියපත්වී, මුළුගැන්වී සිටි සාමාන්‍ය ජනතාවගේ බිය දුරුකර ඔවුන්ගේ විරෝධය එළිපිට ප්‍රකාශ කිරීමට, පාරට බැසීමට තරම් නිර්භීතබවක් ඔවුන්ට එන්නත් කළේය.


විය යුතු පරිද්දෙන්ම මේ නිර්භීත නායකත්ව භූමිකාව හේතුවෙන්, ප්‍රාදේශීය නායකත්ව භූමිකාව ඉක්මවා ජාතික මට්ටමේ නායකයෙක් ලෙස ජනතාව අතර පිළිගැනීම ලැබීමට බෙලිඅත්ත පාර්ලිමේන්තු මන්ත්‍රී මහින්ද රාජපක්ෂ සමත් විය.

ප්‍රබල යූ.ඇන්.පී ආණ්ඩුවට එරෙහි ජන පෙළ ගැස්මේ ඇරඹුම එය විය.....



 -------------------------------------------------------------------------------------------
 වර්ෂය 2012........

 "ඉතිහාසය චක්‍රීය" යැයි කවුදෝ පඬිවරයෙක් කියා ඇත.


1992 සහ 2012 සංසන්දනය ඔබට බාරය. 
 
ප්‍රේමදාස පාලනය තරම් දුරකට මහින්ද පාලනය ගොස් නැතැයි කෙනෙකුට සිතෙන්නට පුළුවන.
 
ප්‍රේමදාස සතු නොවූ පාර්ලිමේන්තුවේ 2/3 ක බලයක් ද, 
ජනපති ධූරය දැරීමට හැකි වාර ගණන දෙකක් දක්වා වූ සීමාව ඉවත් කරගෙන තිබීමද ,
දේශපාලන බලය සියළු අතින් මිටි කරගත් පවුලක ශක්තියද සැලකූ විට
මහින්දගේ බලය ප්‍රේමදාසගේ බලය ඉක්මවා යන්නකි. 



ශ්වේත වර්ණ වෑන්,
බල රහිත කෙරුණු මැති ඇමති නිකමුන්,  
එක්නැළිගොඩ බඳු අතුරුදන් වන මාධ්‍යවේදීන්,
හඬක් නැති, බල බිඳුණු විපක්ෂය, 
මර්වින් බඳු ජනපති සුරතලුන්ගේ අමන ක්‍රියා වලට අමතරව
දැන් නිදන් හෑරීමත්...


වසර 20 කට පසු අප සිටින්නේ යළිත් පාද යාත්‍රාවක් අවශ්‍ය පසුබිමකද?


 

හිරුණිකාගේ සෙල්ලම් තව කොච්චර කාලෙකටද?

පරණ හිංදි ෆිල්ම් වල සුලභ කථා තේමාවක් තමයි තම පියා මැරූ දුෂ්ටයාගෙන් පළිගැනීමට සටන් වදින වීරයාගේ කථාව. ඒ උනත් වීරයෙක් වෙනුවට වීරවරියක් ඉන්න කථානම් මට බලන්න ලැබිලා නැහැ. ඒත් ලංකාවේ දේශපාලනයේ වර්තමානයේ රඟ දැක්වෙන හිරුණිකා-දුමින්ද කථාන්දරෙන් ඒ අඩුව යම් තරමකට මඟ හැරෙන බවක් පේන්න තියෙනවා.
   
ධන බලය, මැර බලය, දේශපාලන බලය හැම එකක්ම තියෙන දුමින්ද සිල්වාට දුෂ්ටයාගේ චරිතය සඳහා හැම සුදුසුකමක්ම තියෙනවා. ඒ වගේම හිරුණිකාට ආකර්ශනීය රුවක් තියෙන එකත් මේක හිංදි ෆිල්ම් එකක් වගේ දකින්න හොඳ හේතුවක් සපයනවා.

දුමින්ද සිල්වා මීට කලිනුත් දුෂ්ටයාගේ චරිතය රඟපාපු අවස්ථා තියෙනවා. ඒ වෙලාවේ කෙල්ලගේ චරිතය කළේ අනර්කලී. අනර්කලී ඔහු හා අමනාපව ඔහුගෙන් ඉවත් වූ විට ඔහු සිය පිරිවර සමඟ ආයුධ සන්නද්ධව ඇගේ නිවසට  පැමිණ හැසිරුණු ආකාරය ඇය පුවත්පතකට විස්තර කර තිබුණේ "හරියට ෆිල්ම් එකක විලන් කෙනෙක් වගේ" කියලා.

හිංදි චිත්‍රපටනම් අවසාන වුනේ දුෂ්ටයා පරාජය වී සාධාරණය ජය ගැනීමෙන්. නමුත් හිරුණිකා-දුමින්ද කථාව හිංදි චිත්‍රපටයක් නොවන බව අපට මතක් කර දෙන්න එහි අවසානයට පුළුවන් වේවි.

            =============================================== 

පාඨලී චම්පික රණවක තමන්ගේ "පටිසෝතගාමීව තිස් වසක්" පොතේ සඳහන් කරනවා; දේශපාලනයේදී "මාධ්‍ය බුබුළු" වල වැදගත්කම. කාලය, මුදල්, ශ්‍රමය වැය කරමින් බොහෝ කැපවීමෙන් කරන සංවිධාන කටයුතු ඉක්මවා; මාධ්‍යය ආකර්ශනය හිමිවන සිද්ධිවලින් ජනතා අවධානය ලබාගැනීම කොතරම් ප්‍රබලව සිදුවෙනවාද යන්න ඔහු එහිදී විස්තර කරනවා.

කොළොන්නාව ප්‍රදේශය මූලික කර ගනිමින් 80 දශකයේ ආරම්භයේ පමණ සිට දේශපාලනයේ යෙදුණු භාරත ලක්ෂ්මන් ශ්‍රීලනිපය තුළ යම් මට්ටමකට ප්‍රබල චරිතයක් වුවත්, ජාතික මට්ටමේ අවධානයට ඔහු වැඩිපුර ලක්වූයේ යැයි පැවසීම අසීරුය. එසේ වුව ඔහුගේ ඝාතනයෙන් පසුව ගතවූ මාස 7 ක පමණ කාලය තුළ ඔහුගේ දියණිය, සිය පියා ඉක්මවා යමින් ජාතික මට්ටමේ අවධානයක් ලබන්නේ චම්පිකගේ වචනවලින් කියන්නේ නම් "මාධ්‍ය බුබුළක්" ලෙස මාධ්‍යයේ අවධානය ලබා ගන්නට සමත්වීම නිසාය.

ඒ එසේ වුව සුරූපී බව පමණක් සුදුසුකම් කරගත් අනර්කලී ආකර්ශා සහ උපේක්ෂා ස්වර්ණමාලී වැනි වර්තමාන "දේශපාලන නායිකාවන්" දෙස බලන විට හිරුණිකා ප්‍රේමචන්ද්‍ර සිටින්නේ ගව් ගණනක් ඉදිරියෙනි. ජනතා ආකර්ශනයට ඉවහල් වන "රූමත්කමට" අමතරව උගත්කමද දේශපාලනික දැනුමද කථිකත්වයද නිර්භීතකමද ආදී නායකත්ව සුදුසුකම් ප්‍රමාණවත් මට්ටමකින් තමන්ට ඇති බව ඇය පසුගිය කෙටි කාලය තුල පෙන්නුම් කළාය. කාන්තා නියෝජනය ප්‍රමාණවත් මට්ටමක නැති දකුණු ආසියානු දේශපාලනය තර්කයක් කර ගනිමින් අනර්කලීගේ සහ "පබා"ගේ දේශපාලන නායකත්වයන් සාධාරණීකරණය කළ අයට, දැන් ඔවුන්ට වඩා ඒ සඳහා සුදුසුකම් ඇත්තියක් ලෙස හිරුණිකා පිළි ගැනීමට සිදුවෙයි.

ආන්දෝලනාත්මක දේශපාලන සිදුවීමකදී, ජනතා කෝපය ඇවිලෙන සිදුවීමකදී, "කල් මැරීමේ" උපක්‍රමයෙන්, සිදුවීම ජනතාවට අමතක වන තුරු සිටීම නිරන්තරයෙන් භාවිතා වෙන උපක්‍රමයයි. සිදුවීමෙන් කලකට පසුව එළියට බසින දේශපාලඥයා නැවත සුපුරුදු හැසිරීම අරඹයි. මර්වින් සිල්වා සම්බන්ධයෙන් කීප වරකදීම සාර්ථකව මේ ක්‍රමය අත්හදා බැලිණි.ඒ අර්ථයෙන් ගත්විට, ඇත්තෙන්ම මාස 7 කට පසුව භාරත ඝාතන සිදුවීම ජනතාවට අමතකව යා යුතුව තිබුණකි.නමුත් එය එසේ නොවී ඇත්තේ හිරුණිකාගේ නිරන්තර හඬ නැඟීම නිසාය. එසේ නොවුනේ නම්, දුමින්ද සිල්වාට මේ වනවිට සිංගප්පූරුවේ සිට පැමිණ නැවත සුපුරුදු සෙල්ලම් පෑමට සහ නියෝජ්‍ය ඇමති ධූරයකින් පිදුම් ලැබීමටද අවස්ථාව සැකසී හමාරය. නමුත් මේ " නාහෙට නාහන" කෙල්ල නිසා එයට තවත් " කාලය" අවශ්‍යය වනු ඇත.

ඇගේ අනාගත දේශපාලන භූමිකාව තීරණය වනු ඇත්තේ භාරත නඩුවේ තීන්දුව මතය. ඇගේ අරමුණ දුමින්ද සිල්වා දඬුවම් ලබනු දැකීම බව පැහැදිලිය.නමුත් එය එසේ වීමට ඇති ඉඩකඩ අඩු බව පෙනෙන්නට තිබෙන කාරණයයි. දුමින්ද සිල්වා මෙම නඩුවේ වග උත්තරකරුවෙක් ලෙස නම් කෙරුණේ නඩුව ඇරඹී මාස කීපයකට පසුව වන අතර මේ වනවිට ඔහුද මේ සිදුවීමෙන් අගතියට පත්වූවෙකු ලෙස නම් කෙරී ඇත.මෙවැනි සිදුවීම් වලින් පෙනෙන්නේ ඇය බලාපොරොත්තු වන මට්ටමේ තීන්දුවක් ලැබීමට ඇති ඉඩකඩ අවම වන බවය. එදිනට ඇය කරන්නේ කුමක්ද?

තම පියාට නීතියෙන් සාධාරණය ඉටු නොවුණහොත් ජනතාව සමඟ පාරට බසින බව ඇය ප්‍රකාශ කර තිබුණි. නමුත් උසාවි තීන්දුවකට එරෙහිව පාරට බැසීමෙන් කල හැකි කෙංගෙඩියක් නැත.

ඇගේ එකම දේශපාලන ප්‍රකාශනය, පියාගේ ඝාතනයට එරෙහිව නීතිය ක්‍රියාත්මක කර ගැනීම සඳහා පෙනී සිටීම පමණක්ම නම්, ඇයට ජනතාව සමඟ යා හැකි දේශපාලන ගමනක් නැත. මේ වෙනුවෙන් යම් හිතවතුන් කොටසක් ඇය සමඟ සිටිනු හැකි වුවද සාමාන්‍ය පොදු ජනතාව දිගින් දිගටම ඒ කාරණය වෙනුවෙන් ඈ පසුපස ඒ යැයි සිතිය නොහැක.

එක්කෝ ඇයට වන්නේ නිහඬ වීමටය. ඒ වෙනුවෙන් බොහෝ බලපෑම් දැනටමත් ඇයට එල්ල වනවා ඇත.තර්ජන, බිය ගැන්වීම් වලට අමතරව උපක්‍රමිකව ඇය නිහඬ කරලීමටද බොහෝ කටයුතු තිරයෙන් පසුපස ක්‍රියාත්මක නොවන්නට හේතුවක් නැත.දැනටමත් ඇගේ මව ජනාධිපති සම්බන්ධීකරණ ලේකම් තනතුරක් ලබාගෙන ඇත.මව සහ සොයුරා වෙනුවෙන් මෙය ඉවසීමට ඇයට සිදුව තිබේ. එබැවින් මව සහ සොයුරා වෙනුවෙන් නිහඬ වන්නටද ඇයට සිදු වුවහොත් එයට පුදුම වන්නට දෙයක් නැත.

අනෙක් අතට ශ්‍රීලමප ය හරහා දේශපාලන ගමනකට අවස්ථාව ලබාදීම මඟින් තමන්ට හානි නොවන තැනක ඇයව තබා ගැනීමද ආණ්ඩුව පැත්තෙන් හොඳ උපක්‍රමයකි. ඇය ලබන මාධ්‍ය අවධානය ක්‍රමයෙන් අහිමි වනදාට ඇගේ එම ගමනේ අවසානය උදාවනු ඇත.

එසේත් නැත්නම් ඇයට ඇති හොඳම විකල්පය කුමක්ද? ලැබූ ජනතා සහ මාධ්‍ය අවධානය උපයෝගී කර ගනිමින් වඩා පුළුල් දේශපාලන භූමිකාවකට ප්‍රවිශ්ට වන්නටය. ශ්‍රීලමප ය වැනි ආණ්ඩුවේ මුක්කුවකට එක්වීමෙන් ඇයට කළ හැකි කෙංගෙඩියක් නොමැති බව ඇය වටහා ගත යුතුව ඇත.

ඇයට වූ අසාධාරණය, රටේ නීතිය ක්‍රියාත්මක නොවීම ගැන හඬ නැඟූ ඇයට, එවන් හඬක් නැඟිය නොහැකි, එවන් සිවිල් බලයක් නොමැති අසාධාරණයට ලක්වූ අය වෙනුවෙනුත් හඬ නැඟිය හැකි නම්....හලාවත මියගිය ධීවරයාගේ දියණිය, සැමියා අතුරුදන්ව අසරණ වූ එක්නැලිගොඩ බිරිඳ ගැන ඇයට කථා කළ හැකිනම්.....පෞද්ගලිකව පමණක් නොව පොදුවේ අයුක්තියට, අසාධාරණයට, අවනීතිය රජ කිරීමට එරෙහිව හඬක් නැඟිය හැකිනම්....ඇය ධෛර්ය සම්පන්න, පුළුල් දැක්මක් ඇති දේශපාලන නායිකාවක ලෙස ජනතාව අතර පිළිගැනීමට ලක්වීම වැළැක්විය නොහැකි වනු ඇත...

දෛවයේ සරදමට ලක්වූ අවාසනාවන්ත නායකයා...."ශ්‍රීමත්" රණසිංහ ප්‍රේමදාස...

"ප්‍රේමදාස මහත්තයා" ගැන මට දැනෙන්නේ එක්තරා විදිහක අනුකම්පාවක්. ඔහු දේශපාලන ගමන අරඹන්න ඇත්තේ මොන තරම් බලාපොරොත්තු තියාගෙන වෙන්න ඇත්ද? ඔහුගේ වැනි පසුබිමකින් ආව කෙනෙක් රටේ ඉහළම තැනට පත්වීමේ  ඉලක්කයක් තියාගන්නවා කියන එකම කොයි තරම් ධෛර්යවන්ත සිහිනයක්ද?

ඒ වගේම එයා තමන් තනතුරින් ඉහළ නැඟීම ගැන විතරක් සිහින මැව්වේ නැහැ.මේ රට දියුණු කරන්න, දුප්පත්, අහිංසක මිනිස්සුන්ට ඇත්තටම සේවයක් කරන්න ඔහු සිහින මැව්වා. ඒ සිහින සැබෑ කරගැනීම වෙනුවෙන් අසීමිත ලෙස වෙහෙස මහන්සි වෙලා වැඩ කළා.

ඔහුගේ වෙහෙස මහන්සිය, කැපවීම දශක ගණනාවක් තිස්සේ විහිදුනා.කථිකත්වය, සංවිධාන ශක්තිය,උපායශීලීත්වය, දක්ෂයන්ගෙන් වැඩ ගැනීමේ කලාව වගේ නායකත්ව ලක්ෂණ ඔහු උපරිමයටම ප්‍රගුණ කළා.

රට පුරා නිවාස හදපු මිනිසා....දහස් ගණනකට රැකියා දුන් මිනිසා...දුප්පතුන්ට ජනසවිය දුන් මිනිසා...ඔහු කළ තරම් වැඩ කළ දේශපාලන නායකයෙක් ලංකාවේ තවත් සිටියේද???

80 දශකයේ මුල භාගය දක්වාම මිනිස්සු ඔහුට ආදරය කළා.අගමැති ප්‍රේමදාස පොදු ජනයාගේ මිනිහෙක් ලෙසයි හැඳින්වුනේ.

නමුත් අවසන් වසර කීපය තුල දෛවය විසින් ඔහුව ඇදගෙන ගියේ කවර නම් දිශාවකටද? අවසානයේ ඔහු කොයි තරම් ජනතාවගේ පිළිකුලට භාජනය වී සිටියාද? පක්ෂ භේදයකින් තොරව ඔහුට ආදරය කළ මිනිසුන්ම අවසානයේදී පක්ෂ භේදයකින් තොරව ඔහුට වෛර කළා.පිළිකුල් කළා.

එසේ වූයේ ඇයි? ජේවීපී භීෂණය පරාජය කරන්න භීෂණ ක්‍රියා මාර්ගයම තෝරා ගන්න ඔහුට සිදුවුනා සේම ජේවීපී නිමාවෙන් පසුවද රාජ්‍ය භීෂණය සිය පැවැත්ම වෙනුවෙන් යොදා ගන්න ඔහු පෙළඹුනා.බලය පවත්වා ගැනීම වෙනුවෙන් ක්‍රියා කිරීමේදී ඔහු වියරු මිනිසෙක් බවට පත්වී සිටියා.අධිකතර හීනමානයකින් පෙලුනා.ලෝරන්ස් මාෆියාවෙන් රටක් බියපත් කළා.


එල්.ටී.ටී.ඊ ක්‍රියාත්මක ඒ යුගයේදී,  බෝම්බයකින් මියයාමට සිදුවීම ඒ තරම් කණගාටුවට කරුණක් නෙමෙයි, .නමුත් දශක ගණනාවක් තිස්සේ ඔහු වෙහෙස මහන්සි වී වැඩ කළ රටේ ජනතාවම ඔහුගේ මරණයෙන් උද්දාමව කිරිබත් කමින්, රතිඥ්ඥා පත්තු කරමින් සතුටු වන්නට සැලැස්වීම නම් දෛවයේ අකරුණාවන්ත සරදමක්.


මේ තරම් දක්ෂකම් ඔහුට උරුම කළ දෛවයම, ඔහුව මේ තරම් දුෂ්ටයෙක් බවට පත්කිරීම කොයිතරම් නම් අවාසනාවක්ද???

ජිනීවා සමුළුව පිළිබඳ ගැටළුවේදී.......ඔබ ඉන්නේ කොතැනද????

ජිනීවා සමුළුව පිලිබඳව විවිධ සංවාද, මත ගැටුම් මේ දිනවල දැකගන්න පුළුවන්..ඒවායේ අදහස් නිරීක්ෂණයේදී පෙනෙන දෙයක් තමයි මේ පිලිබඳව ස්ථාවරයන් කීපයක් සිටින ලාංකිකයන් ඉන්න බව...ඒවා දළ වශයෙන් පහත පරිදි වර්ග  කරන්න පුළුවන්.

1 වන ස්ථාවරය:- " යුද්ධය ජයග්‍රහණය කරදුන්නේ ජනපතිතුමා සහ රණවිරුවන්ය.එය ජයග්‍රහණය කළේ අනේක විධ දුෂ්කරතා මැද, විදෙස් බලපෑම් වලට හිස නොනමාය.දැන් අමෙරිකාව ප්‍රමුඛ බලවතුන් සැරසෙන්නේ එහි වාඩුව ගැනීමටය. කුඩා රටක් මෙලෙස සිය ආධිපත්‍යට හිස නොනැමීමට දඬුවම් නොකළහොත්, වෙනත් රටවලුත් මෙය ආදර්ශයට ගනු ඇතැයි අමෙරිකාවේ කල්පනාවය.අප මෙහිදී ජනපතිතුමා සහ රට වෙනුවෙන් , මේ විදෙස් බලපෑම්වලට කොන්දේසි විරහිතව විරුද්ධ විය යුත්තෙමු.

2 වන ස්ථාවරය:- " යුද්ධය ජයග්‍රහණය කරදුන්නේ ජනපතිතුමා සහ රණවිරුවන්ය.එය ජයග්‍රහණය කළේ අනේක විධ දුෂ්කරතා මැද, විදෙස් බලපෑම් වලට හිස නොනමාය..........

ඒ සියල්ල හරිය. නමුත් යුද්ධයෙන් පසු අවුරුදු 3 කට ආසන්න කාලය, ජනපතිතුමා සහ ආණ්ඩුව ක්‍රියාකළ ආකාරය ගැන සෑහීමකට පත් විය නොහැක.සුදු වෑන් සංස්කෘතිය, ඥාති සංග්‍රහය, දුමින්ද සිල්වාට , මර්වින් සිල්වාට රජ කරන්නට ඉඩ දී තිබීම වැනි අකටයුතු බොහෝය.මේ තත්වය වෙනස් කරන්නට විපක්ෂයෙන් ඉටුවන කෙංගෙඩියකුත් නැත. ආණ්ඩුව මෙහිදී උත්සාහ කරන්නේද දේශප්‍රේමය අවුස්සා, රටේ අනෙක් ප්‍රශ්ණ යට ගසන්නටය. එබැවින් මේ අවස්ථාව මානව හිමිකම් රකින්නට, ප්‍රජාතන්ත්‍රවාදයට යොමු වන්නට ආණ්ඩුවට කෙරුණු බලවත් බලපෑමක් ලෙස සතුටු විය හැකිය. ."

3 වන ස්ථාවරය:- " යුද්ධය ජයග්‍රහණය කරදුන්නේ ජනපතිතුමා සහ රණවිරුවන්ය.එය ජයග්‍රහණය කළේ අනේක විධ දුෂ්කරතා මැද, විදෙස් බලපෑම් වලට හිස නොනමාය.....ඒ සියල්ල හරිය...

 නමුත් යුද්ධයෙන් පසු අවුරුදු 3 කට ආසන්න කාලය, ජනපතිතුමා සහ ආණ්ඩුව ක්‍රියාකළ ආකාරය ගැන සෑහීමකට පත් විය නොහැක.සුදු වෑන් සංස්කෘතිය, ඥාති සංග්‍රහය, දුමින්ද සිල්වාට , මර්වින් සිල්වාට රජ කරන්නට ඉඩ දී තිබීම වැනි අකටයුතු බොහෝය.මේ තත්වය වෙනස් කරන්නට විපක්ෂයෙන් ඉටුවන කෙංගෙඩියකුත් නැත.........එයද ඇත්තය......

නමුත් කුකුළන් නරියන්ට බාරදීමට බැරිය.රටේ ඇති ප්‍රශ්ණ ගැන සිතා විදෙස් බලපෑම් වලට ඉඩ දුන්නොත් කොහෙන් කෙළවර වේදැයි සිතාගත නොහැක.අමෙරිකාවේ පැටිකිරිය අපි සැවොම දනිමු.ලිබියාවට, ඉරාකයට අත පොවද්දී මුලදී කිව්වේද මානව හිමිකම්, ප්‍රජාතන්ත්‍රවාදය වැනි සුන්දර වදන්ය.නමුත් අවසානය කෙබඳු දැයි කවුරුත් දනිති...
එමනිසා ආණ්ඩුවත් එක්ක අපිට ඇති ප්‍රශ්ණ අපි වෙනම විසඳා ගත යුත්තෙමු.රටේ ප්‍රශ්ණයකදී අනෙකුත් ප්‍රශ්ණ පසෙකට කර, එකමුතුව මෙයට එරෙහි විය යුතුය.

මෙයින් ඔබ ඉන්නේ කොතැනද????

නීතියක් නැති රටක්...........!!!

පසුගිය සති දෙකක පමණ සිදුවීම් නිරීක්ෂණය කල විට වුවද දේශපාලන බලය හමුවේ රටේ නීතිය, යුක්තිය සහ සාධරණය වල් වැදී අවනීතිය රජවී ඇති අයුරු පැහැදිලි වෙයි.

ආණ්ඩු පක්ෂයේම කොළොන්නාව නගර සභා සභාපතිවරයා ඝාතනයට පැමිණි සුදු වෑන් කරුවන් ජනතා මැදිහත් වීමකින් අල්ලා  ගැනීම (ජනතාව රාත්‍රිය වන තුරුම පොලීසිය අසළ රැකවළේ සිටි අතර ඔවුන් පාන්දර 2 ට පමණ ඉවත් වී ගිය පසු අත් අඩංගුවට ගත් සුදු වෑන් රථයේ පැමිණියවුන් මුදා ගෙන ගොස් තිබුනි.), කහවත්ත ද්වි පුද්ගල ඝාතකයන් ලෙස, ජෝන් සෙනෙවිරත්න ඇමතිවරයාගේ සම්බන්ධීකරණ ලේකම්, ප්‍රාදේශීය සභා මන්ත්‍රීවරයාගේ සොයුරා සහ බිරිඳ අත් අඩංගුවට ගැනීම (මෙය සිදුවන්නේද ඝාතනයෙන් පසු පොලීසියේ නිද්‍රශීලිබවට එරෙහිව ජනතාව උද්ඝෝෂණය කළ පසුය )සහ රත්නපුරයේම ප්‍රාදේශීය සභා මන්ත්‍රීවරයෙක්ගේ පහර දීමෙන් තරුණයෙක් මිය යාම යන සියල්ල පසුගිය සති දෙකක පමණ කාලය තුල සිදුවූ සිදුවීම් 3 කි.

මහ දවල් දෙනෝ දාහක් ඉදිරිපිට මිනී මැරූ දේශපාලන බලවතුන්ට ඉහළ දේශපාලන බල අධිකාරයේ ආරක්ෂාව කිසිම හිරිකිතයක් නැතිව ලැබීම, ඉතාම නරක පූර්වාදර්ශයක් පහළ මට්ටමේ දේශපාලන අධිකාරියට ලබා දී ඇති බවක් පැහැදිලිව පෙනී යන කරුණකි.

"දුමින්ද සිල්වා" ගේ සිද්ධියේදී ඉහළින් පැවසුනේ ඔහු දේශපාලන රැස්වීම් වලට විශාල වශයෙන් සෙනඟ ගෙන එන, සහ දේශපාලන ක්‍රියාවලියේදී විශාල සහයෝගයක් දැක්වූ අයෙක් නිසා ඔහු "කරදරයක වැටුණ විට " අහක බලා ගැනීම කළ නොහැක්කක් බවයි.

මෙය අද දවසේ " දේශපාලනික කළගුණ දැක්වීමේ" විධි ක්‍රමයයි. ඡන්දවලදී සල්ලි විසි කරන්නට, මිනිස්සු ගෙන එන්නට , මැර බලය ලබා දෙන්නට ඇති හැකියාව අර්ථ දැක්වෙන්නේ දේශපාලනික සහයෝගය ලෙසිනි. එයට පෙරළා කළගුණ සැලකීම වන්නේ වියදම් කළ මුදල මෙන් කීප ගුණයකින් උපයා ගැනීම සඳහා ඕනෑම දහදුරා ක්‍රමයකින් මුදල් ඉපයීමට අවශ්‍ය දේශපාලනික රැකවරණය ලබා දීමයි.

"ගුරා හිටගෙන කරන විට ගෝලයන් දුව දුව කරනවා" යැයි කියමනක් ඇත. අද දවසේදී ලාංකේය සමාජය අත් දකින්නේ මේ සත්‍යයයි.

කහවත්ත සිද්ධියේදී "කුඩු බිස්නස්" කරන්නේ ප්‍රාදේශීය සභා මන්ත්‍රීවරයාගේ සහෝදරයායි.එය දැනගත් බැවින් සහ පොලීසියට තොරතුරු දුන්නායැයි සැකයට අසල්වැසි මව සහ දුව මරා දැමෙයි. ප්‍රාදේශීය සභා මන්ත්‍රී ධූරයක ඇති බලය...! 

අද ප්‍රාදේශීය සභාවක මන්ත්‍රීකමක් ගැනීම පවා අයුතු ලෙස මුදල් ඉපයීමට, අපරාධ කිරීමට බලපත්‍රයක් ලැබීමක් බවට පත්වී ඇත. කුඩු ව්‍යාපාරය, හොර අරක්කු, ගණිකා ව්‍යාපාරය, කප්පම් ගැනීම, චණ්ඩිකම් සහ මැරවරකම් කරන්නට අනිවාර්යෙන් අවශ්‍ය බලපත්‍රය වන්නේ කුමක් හෝ දේශපාලන සබඳකමක් පමණි.

දහසක් සිදුවීම් හොර රහසේම කිසිම බාධාවකින් තොරව සිදුවන අතරේ ,ජනතාව නොබියව පෙරට ආ අවස්ථා කීපයකදී පමණක් වැරදිකරුවන්ට වැඩ වැරදුණි.පොලීසියට නීතිය ක්‍රියාත්මක කිරීමට සිදුවිය. ජනතාව නීතිය අතට ගැනීම අනුමත කළ නොහැක්කක් වුවත් රාජ්‍ය හා දේශපාලන බලය පාවිච්චි කරමින් වැරදිකරුවන් ආරක්ෂා කරමින් අවනීතිය රජ කරවයි නම්.......යුක්තිය සහ සාධාරණය සඳහා වෙනත් විකල්පයක් තිබේද....???

සජිත්..........අනාගත නායකයෙක් ලෙස......

සජිත් ප්‍රේමදාස චරිතය වර්තමානයේ මුහුණදෙන දේශපාලන අවස්ථාව, 90 දශකය මුලදී චන්ද්‍රිකා බණ්ඩාරනායක මුහුණදුන් අවස්ථාවට යම් ආකාරයක සමානකමක් දක්වනවා..

සිරිමාවෝගේ නායකත්වය ආකර්ශනීය නොවී පැවතුන කලක, ශ්‍රි.ල.නි.ප යට නව නායකත්වයක් වුවමනා උනා. නොසෙල්විය හැකිව තිබූ යූ.ඇන්.පී. ආණ්ඩුව පරදවන්නට, අලුත්, ආකර්ශනීය තරුණ නායකත්වයක් එයට අත්‍යවශ්‍ය වුනා...

එයට ගැලපෙන චරිතය ලෙස මතුවූයේ චන්ද්‍රිකායි..බණ්ඩාරනායක නාමධාරී වීම ඇයගේ ප්‍රධානතම සුදුසුකමක් වුනා..ඇය මිනිසුන්ගේ ආකර්ශනය හා ජනප්‍රියත්වය දිනාගත්තා...ඉතා කෙටි කලකින් ඇය බලයේ හිණි පෙත්තට ලඟා වූවා...

නමුත් ගැටළුව වන්නේ ඇය ශ්‍රි.ල.නි.ප. යේ වුවමනාව වූ "පක්ෂය බලයට ගෙන ඒම" කියන කාරණයේදී සාර්ථක වුවත්, සම්ස්තයක් ලෙස රටට ඇගේ ආගමනයෙන් සිදු වූ යහපත කුමක්ද යන්නයි..

සාමය හා සමෘද්ධිය ගෙන එන්නට පොරොන්දු වූ ඇය ඒ දෙකෙන්ම අසාර්ථක වූවා..ඇය යුද්ධය ද ආර්ථිකය ද යන දෙකෙන්ම පරාජය වූවා...අන්තිමේදී 94-2005 වසර 11 ක් රට පාලනය කල ඇය, මේ රටට ඉතිරි කර ගිය සාධනීය ජයග්‍රහණ මොනවාද යන්න ඇත්තටම ගැටළුවක්....

සජිත්ව විමසිය යුත්තේ ද මේ පසුබිමෙනුයි...සජිත් ඉදිරියට ගෙන එන්නේම "දිනන්න පුළුවන් නායකයෙක්" අවශ්‍යයි කියන තර්කයෙනුයි..."පක්ෂය දිනවිය යුතුයි..පාක්ෂිකයා දිනවිය යුතුය.." යන්නයි සටන් පාඨය...නැතිව රට දිනවිය යුතුය යන්න නොවේ....

පරාජයෙන් හෙම්බත් වී ඇති යූ.ඇන්.පි යට අලුත් නායකත්වයකින් නව ජවයක් ලැබිය හැකි බව පිළිගත හැකි කාරණයක්...

එලෙසම අද තනි අශ්වයෙකුගේ රේස් එකක් බවට පත්ව ඇති මහින්දගේ දේශපාලන ගමනට, ප්‍රබල විපක්ෂයක අඩුව තදින් දැනෙන බව සිදුවන ප්‍රජාතන්ත්‍ර විරෝධී ක්‍රියාමාර්ග වලින් පැහැදිලිව පෙනී යන්නක්..
.
එබැවින් සජිත් යු.ඇන්.පී නායකත්වයට පත්වන්නේ නම් යු.ඇන්.පි ය පණ ගසා නැඟිටිනු ඇති බවටද..අලු ගසා දමා යු.ඇන්.පි ය ප්‍රබල විපක්ෂයක් ලෙස නැඟී සිටියහොත්, එය සාධාරණ සමාජ ක්‍රමයක් හා ප්‍රජාතන්ත්‍රීය වටිනාකම් අගයන ජනතාවගේ හිතසුව පිණිස වනු ඇති බවටද සිතන්නට පුළුවන්...

නමුත් මේ වගකීම දරන්නට තරම් සජිත් පරිණත හා දක්ෂ නායකයෙක්ද යන්න ගැටළුවක්...එය හරියටම චන්ද්‍රිකා ට ලබාදුන් අවස්ථාව වගේ වෙන්නට ඉඩක් තියෙනවා.....

මේ යන්නේ කොයි පාරේ......

දැන් ඉතින් මොකාට බය වෙන්නද?...2/3 කුත් ඇතිකොට...මිනිස්සු 2/3 ක් ම දුන්නේ නෑ තමා...ඒත් ඉතින් ඔලුගෙඩි කීපයක් මාරුකරලා ගත්තාම ඔය යස අගේට 2/3 ක් තියෙන්නේ....

දැන් ඉතින් මේක අපේ රාජ්ජේ...අපි කාටද බය...

අපේකම විකුණන කම්, දේශප්‍රේමය විකුණනකම් මිනිස්සු ඇස් කන් පියාගෙන ඉඳියි..**ට ඇරියත්.....

ඇයි ඉතින් රනිල් ටයි කෝට් අඳින මිනිහා කිව්ව ගමන්..රෙද්ද බැනියම අඳින මර්වියා ඇවිල්ලා ගස් බැන්ඳත් සැපයිනේ මුන්ට....

නිදහස් දිනේ මොන මඟුලකට "නිදහසේ විලාප" තියන්න එනවද?..මාත් එක්ක හැප්පෙන්න ආවට හිරේ දාලා මදි ජෙනරාලයව...මුන්ට දෙන්නම තමයි තියෙන්නේ දුවන්න....තිලංගයයි දුමින්දයයි දුන්නා වැඩේ නියමෙට..එල කොල්ලෝ දෙන්නා..උන් දෙන්නා තරඟෙට ලකුණු රැස් කරනවා..හෙ හෙ...

මේ දයාසිරියා දඟලනවා වැඩියි...ඌ මේ සිංදුවක් දෙකක් කියලා "මෑන්ස්" කියලයි හිතාන ඉන්නේ.....මට ටිකක් තද උනොත් මාත් බහිනවා ඔය සින්දු කියන වැඩේට...අම්මපා....සජිතයාවත් ෆෝම් කරන්නේ මේ ගොබිලා තමයි..දැන්මම වැඩක් දුන්නේ නැත්නම්..ඇණයක් වෙලයි නවතින්නේ...

මමත් ඉතින් "මහතීර් මොහොමඩ්" වෙන්නනේ යන්නේ...උන්දැත් ප්‍රජාතන්ත්‍රවාදේ බල්ලට දැම්මා කියනවානේ රට සංවර්ධනය කරන්න යනකොට....මාත් ඉතින් දානවා ඕක බල්ලට....සංවර්ධනේ නම් ඉතින් පස්සේ හිමීට බැරුවායැ...නැද්ද මං කියන්නේ...!!

2011...රනිල්ගේ අවසන් වසරද...?

2011 රනිල්ගේ නායකත්වයේ අවසන් වසරද? ඔහුගේ දේශපාලනයේ අවසන් වසරද? අපි බලා හිඳිමු සිදුවන්නේ කුමක්ද කියා...

ඒ අතරේදී ඔහුගේ දේශපාලන භූමිකාව විග්‍රහ කර ගැනීමකටයි මේ වෑයම..


රනිල් ක්‍රියාකාරි දේශපාලනයට එන්නේ 1977 දී...ඔහුගේ පියා එස්මන්ඩ් වික්‍රමසිංහ...මව නාලිනී වික්‍රමසිංහ...ඇය ලාංකේය පුවත්පත් ව්‍යාපාරයේ පුරෝගාමියෙක් වන ඩී.ආර්.විජයවර්ධනගේ දියණිය... ඒ කියන්නේ ඔහු කීර්තිමත්..ධනවත්..ප්‍රභූ පවුලකින් පැවත එන්නෙක්..පාසල් ගියේ කොලඹ රාජකීය විදුහලට...පදිංචිය කොල්ලුපිටියේ...මේ ධනවත් ,high class පසුබිමම ඔහුට එක් අතකින් වාසනාවත් අනෙක් අතින් අවාසනාවත් උරුම කරලා දීලා තියෙනවා...


රනිල්ගේ දේශපාලන ඉතිහාසය ගත්තාම, 77 සිට 94 දක්වා සෑහෙන මට්ටමක කීර්තිමත්, අගය කලහැකි දේශපාලනයක් ඔහුට හිමියි..ජේ.ආර්.ජයවර්ධන ඔහුව අනාගත නායකයෙක් විදිහට පක්ෂය තුල ගොඩ නැඟුවා.ඒ යුගයේදී ප්‍රේමදාස, ලලිත්, ගාමිණී, රොනී කියන ප්‍රබල චරිතවලින් පස්සේ යූ.ඇන්.පි යේ සිටි නායකත්ව චරිතය ඔහුයි..


ඔහු වැදගත් ඇමති ධූර දරමින් රට වෙනුවෙන් විශාල වැඩ කොටසක් කර තිබෙනවා..
1) විදේශ කටයුතු නියෝජ්‍ය ඇමති
2) අධ්‍යාපන ඇමති
3) තරුණ කටයුතු ඇමති
4) විද්‍යා හා තාක්ෂන ඇමති
5) පාර්ලිමේන්තු සභානායක


රනිල් පාර්ලිමේන්තුවට එන්නේ 77 මහ මැතිවරණයෙන් බියගම ආසනය ජය අරගෙන..ජේ.ආර්.තමයි මුලින්ම වෙනමම විදේශ ඇමති ධූරයක් ඇති කලේ..(එතෙක් එය රාජ්‍ය නායකයාට පැවරුනු කාර්යභාරයක්..)

රනිල් මුලින්ම විදේශ නියෝජ්‍ය අමාත්‍ය ධුරය දැරුවා..ඊට පසු අධ්‍යාපන ඇමති ධූරය ලැබූවා...ඔහු එහිදී විශාල කාර්යභාරයක් ඉටු කර තිබෙනවා....

1. ගුරුවරුන් පුහුණු කිරීම සඳහා අධ්‍යාපන පීඨ ක්‍රමය ආරම්භ කිරීම
2. ජාතික පාසල් ක්‍රීඩා උලෙල ආරම්භ කිරීම
3. ගුරුවරුන් බඳවාගැනීමේ තරඟ විභාග ක්‍රමයක් හඳුන්වා දීම
4. අධ්‍යාපන පරිපාලන සේවය ආරම්භ කිරීම


එයට අමතරව පාසල්වල ඉංග්‍රීසි භාෂාව හා පරිගණක අධ්‍යාපනය දියුණු කිරීමට විශේෂ උනන්දුවකින් ක්‍රියා කලා...

ඊලඟට තමයි ඔහු පලමු තරුණ කටයුතු ඇමති බවට පත්වන්නේ...

තරුණ සේවා සභාව ඔහුගේ නිර්මාණයක්.. ජාතික තරුණ සේවා සභාව හරහා විශාල වැඩ කොටසක් කර තිබෙනවා..Infotel Lanka ප්‍රදර්ශනය ආරම්භ කිරීමේ ගෞරවය ඔහුට හිමිවෙනවා...අනිත් දේශපාලනඥයන්ට වඩා නවීන ලෝකය ගැන, නවීන තාක්ෂනය ගැන අවදියෙන් සිටි ඔහු එහි ප්‍රතිලාභ රටට ගෙන ඒමට විශාල වැඩ කොටසක් කලා..

ඔහු ජාතිවාදියෙක් නෙමෙයි...මිනිස්කම අගයන ඔහු 83 කළු ජූලියේදී සුළු ජාතීන්ගේ ආරක්ෂාව වෙනුවෙන් කටයුතු කල බව ප්‍රකටයි..බොරු පොරොන්දු නොදී..ප්‍රතිපත්ති ගරුක දේශපාලනයක් වෙනුවෙන් ඔහු කැපවූවා...වඩා සාධාරණ සමාජ ක්‍රමයක්..සමෘධිමත් දේශයක් අපේක්ෂා කරන්නෙකුට රනිල් වික්‍රමසිංහ කියන්නේ හොඳ තේරීමක්....

18 වෙනි එක...

ජේ.ආර් ටද චන්ද්‍රිකා ටද කල නොහැකි වූ දේ මහින්ද 8 වෙනිදා කරනු ඇත."හොඳින් හෝ නරකින්" තමන්ට වුවමනා දේ කර ගැනීමට ඔහු සූදානම්ය. ජනතාව ඔහුට 2/3 ක් දුන්නේද? පැහැදිලිවම නැත. අල්ලස් හෝ වරප්‍රසාද දීමෙන් පාර්ලිමේන්තුවේ ඔලු ගෙඩි මාරු කර 2/3 ඉක්මවීම දේශපාලන තක්කඩිකමක්, මගෝඩිකමක් , ජනතාවට කොකා පෙන්වීමක් නොවන්නේද?

ජේ.ආර් ගේ ව්‍යවස්ථාව පතුරු ගැසූවන්ම අද එහි උඩු පිනුම් ගසති.කැබිනට් මණ්ඩලය හෝ පාර්ලිමේන්තුව ඇත්තේ නමට පමණි. කවර තරමේ මහජන නියෝජිතයෙකුට වුවද ජනපති හමුවේ නිවට වීමට බලකෙරී ඇත.ඉහත ඡායාරූපයේ අත් දෙකම ඔසවාගෙන සිටින අගමැති දි.මූ. ගේ බයාදු පක්ෂාපාතීත්වය දෙස බලන විට ඇතිවන්නේ හාස්‍යද? අනුකම්පාවද නැත්නම් දුකද?

ලාංකේය දේශපාලනයේ විකට ජවනිකා...

අපේ රටේ සිටින්නේ පුදුම ආතල් ජනතාවකි.අද දවසේ රටේ දේශපාලන නායකත්වය සඳහා ජනතාව තෝරා එවන්නේ ටෙලි නාට්‍ය නිලියන්ය. ගායකයෝය.ක්‍රිකට් ක්‍රීඩකයෝය. පාර්ලිමේන්තුව කියන්නේ සිංදු කියන, නටන, ක්‍රිකට් ගසන නියම "ෆන් පොට්" එකක් ලෙස අපේ රටේ ජනතාව සිතනවා විය හැක.

"බැරි වැඩ නොකරන් අබරෝ" කියන්නේ මේවාටය.මුලදී ඉදිරිපත් වූ එකා දෙන්නා ජනතාව උඩින්ම පත්කර එවූහ. තමන්ගේ ගමට, රටට වැඩ කල දක්ෂ, පරිණත නායකයන් පසෙකට කල ජනතාව "වන් ෂොට්" බයිස්කෝප් වීරයා අංක එකට ගෙන ඒමට පැකිලුනේ නැත.ඉතින් අනිත් උන්ද ෆෝම් වූහ. අපේ රටේ බුද්ධිමත් ජනතාවද අත හැරියේ නැත.යූ.එන්.පී. දෙවෙනි නායකයාව සිටි කරූ ජයසූරිය අභිබවා "සමගිපුර පබාට “ඡන්දය දුන්හ.

පබාගේ දේශපාලනයට ඇති සුදුසු නොසුදුසුකම පිලිබඳව කිසිවෙකුට හෝ විචිකිච්චාවක් ඇත්නම් පලමුව මෙය නරඹා සිටින ලෙස ඇරියුම් කරමු.

දෙරණ 360-උපේක්ෂා සමඟ

මේවා බලාගෙන සිටින විට සිනාසෙන්නටද හඬන්නටද යන්න තෝරා ගත නොහැකි වීමේ අවුලකට අප පත්වේ.මැයට ඡන්දය දුන් ගම්පහ ජනතාව මෙය නරඹා තම හිස අත ගා බලා අං ඇති නැති බව පරීක්ෂා කරගන්නේ නම් යහපතක් වනු ඇත.

මෙවැනි දේශපාලන විකට ජවනිකාවලට වග කිව යුත්තේ කවුද?මෙවැනි චරිත ඡන්දවලට ඉදිරිපත් කරන ඉහල දේශපාලන නායකත්වයද? බැරි වැඩ නොකර තමන්ගේ තැන රැකගෙන සිටීමට නොදන්නා මේ සීනිබෝල තරුද?එසේත් නැත්නම් රූප ලස්සනට, කටහඬේ ලස්සනට කතිරය ගසනා ජනතාවද?

ඉහල දේශපාලන නායකත්වයට උවමනා කරන්නේ කෙසේ හෝ ඡන්ද ගොඩ වැඩි කර ගැනීමටය.මිනිසුන් ඡන්දය දෙන්නේනම් පොල් පිත්තක් හෝ ඡන්දයට ඉදිරිපත් කිරීමට ඔවුන් පැකිලෙන්නේ නැත.ජනතාව මෙවැන්නන්ට ඡන්දය නොදෙන්නේ නම් ඉහල දේශපාලන නායකයන් මොවුන්ට ඡන්දය ඉල්ලීමට අවස්ථාව දෙන්නේවත්, මෙවැනි චරිත ඡන්දය ඉල්ලීමට පෙලඹෙන්නේවත් නැත.

බල්ලන්ගේ රාජකාරිය බූරුවන්ට කරන්නට බැරි බව අපේ රටේ ජනතාව අවබෝධ කරගන්නා තුරු මෙවැනි දේශපාලන කොමඩි අපට නරඹන්නට ලැබෙනු ඇත.

බුදුනි...ජේසුනි...නබි නායක තුමනී...

මිනිසුන් හට ප්‍රඥ්ඥාව දුන මැණැවී...

ප්‍රඥ්ඥාවන්තයන් සිංහාසනාරූඩ කල මැනවී......!!!