Wednesday, March 23, 2011

සජිත්..........අනාගත නායකයෙක් ලෙස......



සජිත් ප්‍රේමදාස චරිතය වර්තමානයේ මුහුණදෙන දේශපාලන අවස්ථාව, 90 දශකය මුලදී චන්ද්‍රිකා බණ්ඩාරනායක මුහුණදුන් අවස්ථාවට යම් ආකාරයක සමානකමක් දක්වනවා..

සිරිමාවෝගේ නායකත්වය ආකර්ශනීය නොවී පැවතුන කලක, ශ්‍රි.ල.නි.ප යට නව නායකත්වයක් වුවමනා උනා. නොසෙල්විය හැකිව තිබූ යූ.ඇන්.පී. ආණ්ඩුව පරදවන්නට, අලුත්, ආකර්ශනීය තරුණ නායකත්වයක් එයට අත්‍යවශ්‍ය වුනා...

එයට ගැලපෙන චරිතය ලෙස මතුවූයේ චන්ද්‍රිකායි..බණ්ඩාරනායක නාමධාරී වීම ඇයගේ ප්‍රධානතම සුදුසුකමක් වුනා..ඇය මිනිසුන්ගේ ආකර්ශනය හා ජනප්‍රියත්වය දිනාගත්තා...ඉතා කෙටි කලකින් ඇය බලයේ හිණි පෙත්තට ලඟා වූවා...

නමුත් ගැටළුව වන්නේ ඇය ශ්‍රි.ල.නි.ප. යේ වුවමනාව වූ "පක්ෂය බලයට ගෙන ඒම" කියන කාරණයේදී සාර්ථක වුවත්, සම්ස්තයක් ලෙස රටට ඇගේ ආගමනයෙන් සිදු වූ යහපත කුමක්ද යන්නයි..

සාමය හා සමෘද්ධිය ගෙන එන්නට පොරොන්දු වූ ඇය ඒ දෙකෙන්ම අසාර්ථක වූවා..ඇය යුද්ධය ද ආර්ථිකය ද යන දෙකෙන්ම පරාජය වූවා...අන්තිමේදී 94-2005 වසර 11 ක් රට පාලනය කල ඇය, මේ රටට ඉතිරි කර ගිය සාධනීය ජයග්‍රහණ මොනවාද යන්න ඇත්තටම ගැටළුවක්....

සජිත්ව විමසිය යුත්තේ ද මේ පසුබිමෙනුයි...සජිත් ඉදිරියට ගෙන එන්නේම "දිනන්න පුළුවන් නායකයෙක්" අවශ්‍යයි කියන තර්කයෙනුයි..."පක්ෂය දිනවිය යුතුයි..පාක්ෂිකයා දිනවිය යුතුය.." යන්නයි සටන් පාඨය...නැතිව රට දිනවිය යුතුය යන්න නොවේ....

පරාජයෙන් හෙම්බත් වී ඇති යූ.ඇන්.පි යට අලුත් නායකත්වයකින් නව ජවයක් ලැබිය හැකි බව පිළිගත හැකි කාරණයක්...

එලෙසම අද තනි අශ්වයෙකුගේ රේස් එකක් බවට පත්ව ඇති මහින්දගේ දේශපාලන ගමනට, ප්‍රබල විපක්ෂයක අඩුව තදින් දැනෙන බව සිදුවන ප්‍රජාතන්ත්‍ර විරෝධී ක්‍රියාමාර්ග වලින් පැහැදිලිව පෙනී යන්නක්..
.
එබැවින් සජිත් යු.ඇන්.පී නායකත්වයට පත්වන්නේ නම් යු.ඇන්.පි ය පණ ගසා නැඟිටිනු ඇති බවටද..අලු ගසා දමා යු.ඇන්.පි ය ප්‍රබල විපක්ෂයක් ලෙස නැඟී සිටියහොත්, එය සාධාරණ සමාජ ක්‍රමයක් හා ප්‍රජාතන්ත්‍රීය වටිනාකම් අගයන ජනතාවගේ හිතසුව පිණිස වනු ඇති බවටද සිතන්නට පුළුවන්...

නමුත් මේ වගකීම දරන්නට තරම් සජිත් පරිණත හා දක්ෂ නායකයෙක්ද යන්න ගැටළුවක්...එය හරියටම චන්ද්‍රිකා ට ලබාදුන් අවස්ථාව වගේ වෙන්නට ඉඩක් තියෙනවා.....

1 comment:

  1. "නමුත් මේ වගකීම දරන්නට තරම් සජිත් පරිණත හා දක්ෂ නායකයෙක්ද යන්න ගැටළුවක්...." ඔන්න ඕක තමා තියන මටත් ප්‍රශ්නෙ

    ReplyDelete

මේ ඇරැයුම ඔබේ අදහස්වලට....

Popular Posts - Last 30 Days

lankeeya sithuwili
free counters